Íslands- og bikarmeistarar KA/Þórs leika Evrópuleikina á Spáni. Mynd/Egill Bjarni Friðjónsson

„Þetta er hrikalega skemmtilegt verkefni,“ segir Andri Snær Stefánsson þjálfari Íslands- og bikarmeistara KA/Þórs sem leika í dag fyrra sinni við KHF Istogu í annarri umferð Evrópbikarkeppni kvenna í handknattleik.

Báðir leikirnir fara fram í Istogu í Kósovó. Flautað verður klukkan 16 í dag og einnig á morgun. Þetta verða fyrstu leikir KA/Þórsliðsins í Evrópukeppni.


KA/Þórs liðið kom til Istogu á miðvikudaginn og nýtti daginn í gær til æfinga og undirbúnings.


Andri Snær segist ekki hafa miklar upplýsingar um liðið. Hann hafi þó haft upp á einum leik með liðinu sem hafi nýst vel við undirbúninginn. „Ég náði upptöku með einum leik af liðinu. Hinsvegar veit ég að að liðið hefur staðið sig ágætlega í Evrópukeppni undanfarin ár. Þar af leiðandi búum við okkur undir hörku leiki,“ sagði Andri Snær.

KHF Istogu hafði yfirburði í keppni á heimavígstöðvum á síðustu leiktíð. Liðið tapaði ekki leik og varð þar af leiðandi bæði landsmeistari og bikarmeistari.


Mikil eftirvænting ríkir meðal allra innan félagsins. „Þetta er fyrst og fremst gulrót fyrir félagið okkar og verður gaman að mæta öðrum andstæðingum en við þekkjum hér heima. Um leið öðlumst við dýrmæta reynslu. Vitanlega ætlum við okkur að sjálfsögðu sigur,“ sagði Andri Snær Stefánsson, þjálfari Íslands- og bikarmeistara KA/Þór.


Leikurinn klukkan 16 í dag verður í textalýsingu hjá handbolta.is.

- Auglýsing -

Nýjustu fréttir

- Auglýsing -