- Auglýsing -
Halldór Stefán Haraldsson og liðsmenn hans í Volda gefa ekkert eftir í toppbaráttu norsku 1. deildar kvenna í handknattleik. Volda vann lið Reistad í Reistad Arena í gærkvöld með minnsta mun, 27:26, í hörkuleik. Reistadliðið var marki yfir í hálfleik, 16:15.
Katrín Tinna Jensdóttir lék að vanda með Voldaliðinu. Hún skoraði ekki í leiknum í gærkvöld en tók til hendinni í varnarleiknum.
Volda er með tveggja stiga forskot í efsta sæti, 29 stig að 16 leikjum loknum. Gjerpen HK Skien er tveimur stigum á eftir í öðru sæti eftir nauman sigur á Haslum Bærum, 22:21, í Naddarud Arena, heimavelli Haslumliðsins.
Sara Dögg Hjaltadóttir lék að vanda til sín taka í Gjerpenliðinu. Hún skoraði þrjú mörk úr vítaköstum og var öryggið uppmálað.
Eitt lið fer beint upp úr deildinni í vor og tekur sæti í úrvalsdeildinni á næstu leiktíð. Liðin sem hafna í öðru, þriðja og fjórða sæti taka þátt í umspili. Volda og Gjerpen eiga fjóra leiki eftir hvort um sig.
- Auglýsing -
