Vörn og markvarsla skildi liðin að

Tandri Már Konráðsson í skotstöðu í undanúslitaleik bikarkeppninnar í vor. Mynd/HSÍ

„Það sem skildi liðin að var betri vörn og markvarsla,“ sagði Tandri Már Konráðsson, leikmaður Stjörnunnar, við handbolta.is í gærkvöld eftir sex marka tap Stjörnunnar, 32:26, fyrir Haukum í Olísdeild karla í handknattleik í TM-höllinni í Garðabæ.


Stjarnan hefur eitt stig eftir þrjár umferðir. Tandri Már segir að það sé þó ákveðinn stígandi í leik liðsins. Hinsvegar hafi orðið miklar breytingar á liði Stjörnunnar í sumar auk þjálfaraskipta.

„Sannarlega er það enginn heimsendir að tapa þessum leik en við getum ekki endalaust skákað í skjóli mikilla breytinga. Við þurfum að fara að krækja í tvö stig. Það er vika í næsta leik. Menn verða fúlir í kvöld en fara á æfingu í fyrramálið og þá verðum við að halda áfram á þeirri leið að bæta okkur,“ sagði Tandri Már Konráðsson, leikmaður Stjörnunnar sem mætir KA í fjórðu umferð deildarinnar á föstudaginn.

- Auglýsing -

Nýjustu fréttir

- Auglýsing -