Leikmenn ungmennaliða Hauka og Vals voru ekki að hlífa netmöskvunum í dag þegar þeir mættust í leik í Schenkerhöllinni á Ásvöllum í Hafnarfirði í Grill 66-deild karla. Alls voru gerð 73 mörk, þar af skoruðu leikmenn ungmennaliðs Hauka 39. Gestirnir úr Val máttu gera sér að góðu að skora í 34 skipti en þeir voru án síns markahæsta leikmanns á tímabilinu, Benedikts Gunnars Óskarsson, sem meiddist í síðasta leik liðsins.
Haukar voru þremur mörkum yfir í hálfleik, 19:16. Guðmundur Bragi Ástþórsson fór á kostum með Haukaliðinu. Hann skoraði 12 mörk. Þorfinnur Máni Björnsson var einnig í ham og skoraði 11 mörk. Áki Hlynur Andrason fór mikinn í liði Vals. Hann skoraði 11 sinnum.
Ungmennalið Vals var og er í þriðja sæti deildarinnar með 19 stig eftir 15 leiki. Haukar eru fjórum stigum á eftir.
Mörk Hauka U.: Guðmundur Bragi Ástþórsson 12, Þorfinnur Máni Björnsson 11, Jón Karl Einarsson 7, Kristófer Máni Jónasson 4, Jakob Aronsson 2, Þórarinn Þórarinsson 1, Ari Sverrir Magnússon 1, Sigurður Jónsson 1.
Mörk Vals U.: Áki Hlynur Andrason 11, Gunnar Pétur Haraldsson 5, Andri Finnsson 4, Tómas Sigurðsson 3, Óðinn Ágústsson 3, Erlendur Guðmundsson 3, Jóel Bernburg 2, Þorgeir Arnarsson 1, Róbert Nökkvi Petersen 1, Jónas Hákon Kjartansson 1.
Staðan í Grill 66-deild karla.
