Áfram er spenna á toppnum

Logi Snædal Jónsson og félagar í Víkingi unnum naumlega í kvöld. Mynd/Víkingur Finnbogi Sigur Marinósson

Víkingar, undir stjórn Jóns Gunnlaugs Viggóssonar, gefa ekkert eftir í toppbaráttu Grill 66-deildar karla í handknattleik. Þeir unnu Vængi Júpiters í kvöld í Dalhúsum með 12 marka mun, 32:19, og eru áfram jafnir HK að stigum. Hvort lið hefur 28 stig eftir 16 umferðir en HK vann ungmennalið Vals í gærkvöld. HK stendur betur að vígi í innbyrðis leikjum liðanna.


Tvær umferðir eru eftir í Grill 66-deild karla og allt stefnir í að það ráðist ekki fyrr en í lokin á síðustu umferð hvort það verður Víkingur eða HK sem fer beint upp í Olísdeild og kemst hjá umspili um sætið.


Víkingar höfðu mikla yfirburði gegn Vængjum Júpiters. Sjö marka munur var þegar orðinn í hálfleik, 15:8, og eftirleikurinn var auðveldur fyrir lærisveina Jóns Gunnlaugs.


HK á eftir leiki við ungmennalið Fram og Hauka en Víkingar mæta Kríu í næstu umferð og sækja Hörð heim í lokaumferðinni á föstudaginn eftir viku.


Mörk VJ: Andri Hjartar Grétarsson 7, Dagur Snær Stefánsson 4, Jón Hjálmarsson 4, Gísli Steinar Valmundsson 2, Garðar Benedikt Sigurjónsson 1, Hlynur Már Guðmundsson 1.
Mörk Víkings: Arnar Gauti Grettisson 5, Hjalti Már Hjaltason 5, Egidijus Mikalonis 5, Magnús Hallsson 4, Bjartur Guðmundsson 3, Guðjón Ágústsson 2, Arnar Steinn Arnarsson 2, Logi Snædal Jónsson 2, Jóhannes Berg Andrason 2, Arnar Huginn Ingason 2.

Staðan í Grill 66-deild karla.

a>
- Auglýsing -

Nýjustu fréttir

- Auglýsing -