Ekki tókst ungmennaliði Vals að leggja stein í götu leikmanna HK í kapphlaupi þeirra síðarnefndu um sæti í Olísdeildinni á næsta keppnistímabili þegar liðið mættust í Grill 66-deild karla í Origohöll Valsmanna í kvöld. Eftir jafnan fyrri hálfleik náðu HK-ingar að vinna með fjögurra marka mun þegar upp var staðið, 30:26. Hvort lið skoraði 15 mörk í fyrri hálfleik.
Þar með hefur HK 28 stig að loknum 16 leikjum en liðið á tvo leiki eftir. Víkingur er tveimur stigum á eftir og á leik til góða á móti Vængjum Júpiters í Dalhúsum annað kvöld. Önnur lið eru úr sögunni í keppni um efsta sæti Grill 66-deildar karla.
Ungmennalið Vals er í þriðja sæti með 19 stig og Fjölnir hefur önglað saman 17 stigum. Önnur lið eru þar á eftir.
Mörk Vals U.: Áki Hlynur Andrason 6, Andri Finnsson 5, Óðinn Ágústsson 4, Ísak Logi Einarsson 3, Jóel Bernburg 3, Gunnar Pétur Haraldsson 2, Róbert Nökkvi Petersen 2, Tómas Sigurðsson 1.
Mörk HK: Hjörtur Ingi Halldórsson 5, Kristján Ottó Hjálmsson 5, Kári Tómas Hauksson 4, Sigurvin Jarl Ármannnsson 4, Einar Bragi Aðalsteinsson 3, Pálmi Fannar Sigurðsson 3, Bjarki Finnbogason 2, Kristján Pétur Barðason 2, Símon Michael Guðjónsson 1, Einar Pétur Pétursson 1.
Staðan í Grill 66-deild karla.
