Átján marka sigur í fyrsta leiknum hjá Fredrikstad

Liðsmenn Fredrikstad Ballklubb glaðir í bragði eftir sigurinn á Follo. Mynd/Fredrikstad Ballklubb

Elías Már Halldórsson fer af stað af miklum krafti hjá norska úrvalsdeildarliðinu Fredrikstad Ballklubb. Liðið lék sinn fyrsta leik í kvöld undir hans stjórn og gjörsigraði liðsmenn Follo, 40:22. Follo tekur sæti í úrvalsdeildini við upphaf leiktíðar í haust eftir að hafa komið upp úr B-deildinni í vor.


Fredrikstad Ballklubb lék frábærlega í leiknum eftir því sem fram kemur á Facebooksíðu þess.


Vegna þess hversu snemma keppni var hætt í norsku úrvalsdeildinni á síðustu leiktíð þá var þráðurinn við æfingar tekinn upp afar snemma eða um síðustu mánaðarmót. Elías Már og leikmenn hans hafa unnið hörðum höndum síðustu daga og munu halda því áfram út næstu viku. Eftir það verður gefið stutt frí áður en formlegur undirbúningur fyrir næsta keppnistímabil hefst af fullum þunga.


Fredrikstad Ballklubb leikur annan æfingaleik eftir rúma viku.


- Auglýsing -

Nýjustu fréttir

- Auglýsing -