- Auglýsing -
Pálmi Fannar Sigurðsson, fyrirliði Olísdeildarliðs HK, hefur skrifað undir þriggja ára áframhaldandi samning við félagið eftir því sem greint er frá í tilkynningu. Hann er annar leikmaður liðsins á jafnmörgum dögum sem ákveður að verða um kyrrt í herbúðum Kópavogsliðsins.
Pálmi Fannar kom til HK fyrir hart nær sjö árum frá Haukum. „Síðan þá hefur hann vart misst úr leik fyrir félagið enda lætur hann fátt stoppa sig og á hann flesta leiki fyrir félagið af þeim sem skipa meistaraflokk karla í dag.
Sökum þess hefur hann fengið viðurnefnið Stálmaðurinn og er hann ávallt kallaður Stáli af liðsfélögum sínum,“ segir m.a. í tilkynningu HK sem birtist á veraldarvefnum í kvöld.
- Auglýsing -
