- Auglýsing -

Komnir heilu og höldnu til Zaporizjzja

Lands- og bikarmeistarar Motor Zaporizjzja í Úkraínu. Roland Eradze er annar frá hægri í efri röð með Savukynas Gintras sér til vinstri handar. Mynd/Aðsend

Roland Eradze og félagar hans í úkraínska meistaraliðinu HC Motor komust heilu og höldnu heim til borgarinnar Zaporizjzja í nótt eftir rútuferð frá Kænugarði í gær. Roland staðfesti komu sína til Zaporizjzja í skilaboðum til handbolta.is í morgun.


HC Motor liðið lék í fyrrakvöld í Póllandi við Vive Kielce í Meistaradeild Evrópu. Hópurinn fór frá Póllandi rétt áður en innrás Rússa í Úkraínu hófst. Eins og Roland sagði í samtali við handbolta.is í gær þá var ekki mögulegt að lenda á flugvellinum í Zaporizjzja. Af þeim sökum varð að snúa við og lenda á Zhuliany-flugvelli við Kænugarð þar sem alþjóðaflugvöllurinn, Boryspil, var einnig lokaður eins og völlurinn í Zaporizjzja, auk uppnáms sem ríkti vegna innrásar Rússa.


Eftir stutta hvíld í hóteli í Kænugarði hélt HC Motorliðið með langferðabifreið til Zaporizjzja, sem er í austurhluta Úkraínu. Alla jafna er það um 10 stunda ferð í rútu við eðlilegar aðstæður.

Litáinn Gintras Savukynas, sem lék og þjálfaði hér um árabil, er þjálfari HC Motor.

- Auglýsing -
- Auglýsing -

Nýjustu fréttir

- Auglýsing -