Hjörtur Ingi Halldórsson kunni vel við sig á Torfnesi og var markahæstu HK-manna. Mynd/HK

Sóknarleikurinn var í öndvegi í íþróttahúsinu Torfnesi á Ísafirði í kvöld þegar HK sótti heimamenn í Herði heim í Grill 66-deild karla í handknattleik. Leikmönnum héldu engin bönd og alls voru skoruð 67 mörk í 15 marka sigri HK, 41:26. Gestirnir úr Kópavogi voru sjö mörkum yfir í hálfleik 19:12.


HK er þar með komið með 12 stig í öðru til fjórða sæti ásamt Fjölni og ungmennaliði Vals þegar átta umferðum er lokið. Víkingur situr í efsta sæti með 14 stig. Nýliðar Harðar eru í áttunda sæti með fjögur stig.
HK-liðið tók snemma völdin í leiknum og lét þau aldrei af hendi þótt leikmenn Harðar reyndu hvað þeir gátu.

Þetta var þriðji sigur HK í röð. Liðið mætir ungmennaliði Fram í næstu umferð á föstudagskvöld.


Mörk Harðar: Ravis Gorbunovs 7, Guntis Pipuks 5, Óli Björn Vilhjálmsson 3, Jón Ómar Gíslason 2, Endijs Kusners 2, Sudaro Carneiro 2, Þorsteinn Sæmundsson 2, Daniel Wale Adeleye 1, Aleksa Stefvanvic 1, Ásgeir Óli Kristjánsson 1.
Mörk HK: Hjörtur Ingi Halldórsson 9, Einar Bragi Aðalsteinsson 5, Sigurður Jefferson Guarino 5, Kristján Ottó Hjálmsson 5, Sigurvin Jarl Ármannsson 4, Einar Pétur Pétursson 3, Símon Michael Guðjónsson 3, Ágúst Ingi Óskarsson 2, Pálmi Fannar Sigurðsson 2, Kristján Pétur Barðason 2, Kristófer Andri Daðason 1.

Staðan í Grill 66-deild karla.

- Auglýsing -

Nýjustu fréttir

- Auglýsing -