Molakaffi: Grétar Ari, engir áhorfendur og stórsigur

Gretar Ari Guðjónsson, handknattleiksmarkvörður franska liðsins Nice. Mynd/Cavigal Nice handball
  • Grétar Ari Guðjónsson hefur ekki hafið æfingar af fullum krafti og tók þar af leiðandi ekki þátt í fyrsta leik Nice í frönsku B-deildinni í handknattleik á gærkvöld. Nice sótti þá Cherboug heim og tapaði naumlega, 30:29. Grétar Ari sagði við handbolta.is á dögunum að hann ætti von á að hefja æfingar af krafti á mánudaginn.  
  • Áhorfendum verður ekki heimilt að koma í keppnishöllina í Mannheim á morgun til þess að fylgjast með fyrsta heimaleik Rhein-Neckar Löwen þegar liðið mætir Stuttgart. Misjafnt er hversu margir áhorfendur mega sækja leiki í þýsku 1.deildinni í handknattleik en keppni í henni hófst á fimmtudagskvöld. Hvergi  er takmörk á komum áhorfenda á leiki strangari en í Mannheim. Alexander Petersson og Ýmir Örn Gíslason leika með Rhein-Neckar Löwen en Elvar Ásgeirsson og Viggó Kristjánsson með Stuttgart. 
  • Aron Pálmarsson lék ekki með Barcelona í dag þegar liðið gjörsigraði Cantabria Sinfín, 33:20, á útivelli í 5. umferð spænsku 1. deildarinnar í handknattleik. Eins og í fyrri leikjum Barcelona í deildinni á tímabilinu hafði liðið mikla yfirburði og var með tíu marka forskot að loknum fyrri hálfleik, 21:11. Aron fór á kostum með Barcelona gegn Nantes í Meistaradeild Evrópu á fimmtudagskvöldið í Nantes.
- Auglýsing -

Nýjustu fréttir

- Auglýsing -