- Auglýsing -

Þrír bættust í EM-markaklúbbinn

Þráinn Orri Jónsson í þann mund að skora sitt fyrsta mark í lokakeppni Evrópumóts. Mynd/Hafliði Breiðfjörð

Þrír leikmenn landsliðsins skoruðu sín fyrstu mörk í lokakeppni Evrópumótsins í sigrinum sæta á Svartfellingum, 34:24, í lokaumferð milliriðlakeppni mótsins í dag. Þar með hafa 65 leikmenn skorað 1.984 mörk íslenska landsliðsins í 70 leikjum í lokakeppni EM frá því að Ísland var fyrst með fyrir 22 árum. Líklegt má telja að íslenska landsliðið rjúfi 2.000 marka múrinn í næstu viðureign sinni á mótinu á föstudaginn.


Þráinn Orri Jónsson skoraði strax í fyrri hálfleik sitt fyrsta EM-mark og bætti síðan öðru við í sínum öðrum landsleik og EM-leik um leið.

Darri Aronsson skoraði flott mark á síðustu mínútum leiksins við Svartfellinga í dag. Mynd/Hafliði Breiðfjörð


Samherji Þráins Orra í Haukum, Darri Aronsson, skoraði sitt fyrsta EM mark seint í leiknum. Hann fylgdi þar með í kjölfarið á föður sínum sem skoraði 12 mörk í átta EM leikjum. Frændur Darra, Gústaf Bjarnason og Haukur Þrastarson, hafa einnig skoraði í lokakeppni EM. Gústaf 23 og Haukur sex.


Kristján Örn Kristjánsson, Donni, náði síðan skora eitt mark í lokin, sitt fyrsta marki í lokakeppni EM. Hann skoraði fjögur fyrstu mörk sín í lokakeppni HM fyrir ári.

Kristján Örn Kristjánsson, Donni. Mynd/Hafliði Breiðfjörð


Þar með hafa níu nýir leikmenn bæst á íslenska markalistann á EM í þessari keppni. Daníel Þór Ingason, Elvar Ásgeirsson, Gísli Þorgeir Kristjánsson, Elliði Snær Viðarsson, Orri Freyr Þorkelsson og Teitur Örn Einarsson brutu ísinn fyrr í keppninni að þessu sinni.

- Auglýsing -
- Auglýsing -

Nýjustu fréttir

- Auglýsing -