- Auglýsing -
Fjórir leikmenn landsliðsins skoruðu í gær sín fyrstu mörk á Evrópumeistaramóti. Einn þeirra, Elvar Ásgeirsson, skoraði sitt fyrsta landsliðsmark í leiknum við Dani en lék sinn fyrsta A-landsleik í gærkvöld.
Elvar braut ísinn af fjórmenningunum snemma leiks þegar hann skorað fyrsta mark sitt af þremur á sjöundu mínútu leiksins og kom íslenska liðinu yfir, 5:3.
Tveimur mínútum síðar skoraði Orri Freyr Gíslason fyrra mark sitt af tveimur þegar hann jafnaði metin, 7:7.
Í síðari hálfleik skoraði Daníel Þór Ingason sitt fyrsta EM-mark í fyrsta EM-leiknum á ferlinum.
Teitur Örn Einarsson skoraði tvö mörk á síðustu mínútum leiksins, bæði eftir hraðaupphlaup og sendingu frá Ágúst Elí Björgvinssyni markverði.
Fyrr í keppninni höfðu Elliði Snær Viðarsson og Gísli Þorgeir Kristjánsson bæst í hóp þeirra sem skorað hafa mark fyrir Ísland í lokakeppni EM. Þar með hafa 62 leikmenn skorað 1.899 mörk íslenska landsliðsins í 67 leikjum.
- Auglýsing -
