Valur byrjaði með 11 marka sigri

Arnór Snær Óskarsson var markahæstur Valsara í kvöld. Mynd/HSÍ

Valur vann öruggan sigur Selfossi í fyrstu viðureign liðanna í undanúrslitum Olísdeildar karla í handknattleik í Origohöllinni í kvöld, 36:25, eftir að hafa verið tveimur mörkum yfir að loknum fyrri hálfleik, 16:14.


Næsta viðureign liðanna verður á fimmtudaginn í Sethöllinni á Selfossi og verður flautað til leiks klukkan 19.30. Vinna þarf þrjá leiki til þess að komast í úrslit.


Eftir fremur jafnan leik í fyrri hálfleik þá tóku Valsmenn völdin í síðari hálfleik. Þeir keyrðu upp hraðann í sókninni og styrktu varnarleikinn. Afleiðingarnar voru þær að Valur vann síðari hálfleik, 20:11. Ljóst er að það verður við ramman reip að draga hjá Selfyssingum í næstu leikjum.


Mörk Vals: Arnór Snær Óskarsson 9/2, Benedikt Gunnar Óskarsson 8, Finnur Ingi Stefánsson 6, Magnús Óli Magnússon 5, Þorgils Jón Svölu Baldursson 3, Einar Þorsteinn Ólafsson 2, Vignir Stefánsson 2, Stiven Tobar Valencia 1.
Varin skot: Sakari Motoki 6, 37,5% – Björgvin Páll Gústavsson 3, 16,7%.

Mörk Selfoss: Atli Ævar Ingólfsson 6, Richard Sæþór Sigurðsson 5, Karolis Stropus 3, Árni Steinn Steinþórsson 3, Hergeir Grímsson 3/1, Alexander Már Egan 2, Ragnar Jóhannsson 1, Guðmundur Hólmar Helgason 1.
Varin skot: Vilius Rasimas 11/1, 23,4%.

Öll tölfræði leiksins er hjá HBStatz.

Leikjadagskrá úrslitakeppni Olísdeildar karla er að finna hér.

- Auglýsing -

Nýjustu fréttir

- Auglýsing -