Það verður nóg að gera hjá Guðmundir Þórði Guðmundssyni, landsliðsþjálfara og leikmönnum íslenska landsliðsins í lok apríl og í byrjun maí. Mynd/EPA

„Við spiluðum frábæra vörn og Viktor kom sterkur inn af bekknum. Sóknarleikurinn var góður og við héldum áfram að skapa okkur færi. Því miður féll þetta með Frökkum í dag,“ sagði Eyjamaðurinn Elliði Snær Viðarsson sem fór á kostum í vörn íslenska landsliðsins annan leikinn í röð þegar Ísland tapaði naumlega fyrir Frökkum, 28:26, í millriðlakeppni HM í handknattleik í Egyptalandi.


„Frakkar náðu að komast yfir eftir að ég fékk mína þriðju brottvísun þegar lítið var eftir af leiknum. Það var ansi súrt að sjá þetta og tek þetta hreinlega á mig,“ sagði Elliði Snær í samtali við handbolta.is.
 
„Við erum á góðri leið sem lið. Það er spennandi tímar framundan hjá landsliðinu. Við verðum bara betri með hverju árinu sem líður. Við erum flestir ungir að árum og höfum nokkra reynda menn með. Blandan er góð og á eftir að skila okkur í allra fremstu röð með aukinni reynslu,“ sagði Elliði Snær Viðarsson, landsliðsmaður í handknattleik í Dr. Hassan Moustafa-íþróttahöllinni í Kaíró í kvöld.

- Auglýsing -

Nýjustu fréttir

- Auglýsing -