Elvar Örn Jónsson á fullri ferð í leiknum við Frakka í kvöld. Mynd/EPA

„Ég er svekktur, mér fannst við vera svo nálægt þessu. Ég er líka svekktur út í sjálfan mig að skora ekki úr hraðaupphlaupinu sem ég fékk á mikilvægu augnabliki undir lokin,“ sagði Elvar Örn Jónsson, landsliðsmaður í handknattleik, niðurlútur við handbolta.is í kvöld eftir naumt tap íslenska landsliðsins, 28:26, fyrir Frökkum í milliriðlakeppni HM í handknattleik í Egyptalandi.


„Mér fannst við vera með Frakkana en því miður þá klikkuðum við á ýmsum smáatriðum á síðustu tíu mínútunum og það fór með leikinn fyrir okkur. Svo féll eitt með okkur og annað með þeim. Leikurinn var bara stál í stál og því miður endaði hann eins og lokatölurnar segja,“ sagði Elvar Örn Jónsson, leikmaður landsliðsins sem barðist af krafti á báðum endum leikvallarins í kvöld af dugnaði eins og aðrir leikmenn íslenska landsliðsins sem tóku þátt.
 

- Auglýsing -

Nýjustu fréttir

- Auglýsing -