- Auglýsing -

Víkingar voru FH engin fyrirstaða

Jakob Martin Ásgeirsson í leik með FH gegn Gróttu á síðasta tímabili. Mynd/J.L.Long

FH heldur sínu striki í efsta sæti Olísdeildar karla í handknattleik eftir þriggja marka sigur á Víkingi í Víkinni í kvöld, 29:26, eftir að hafa verið fjórum mörkum undir að loknum fyrri hálfleik, 18:14.


FH hefur þar með 24 stig og er tveimur stigum á undan Haukum sem er þessa stundina að leika við Selfoss í Set-höllinni fyrir austan fjall.


Vikingar áttu góða spretti í leiknum í kvöld en tókst samt aldrei að ógna FH-ingum að einhverju ráði þegar á leikinn leið þótt þeir væri með yfirhöndina að loknum fyrri hálfleik.

Víkingur rekur lestina í Olísdeildinni með tvö stig eftir að HK náði að leggja Fram í gær og hrifsa næst neðsta sætið af Fossvogsliðinu.


Mörk Víkings: Jóhannes Berg Andrason 9, Jóhann Reynir Gunnlaugsson 4, Pétur Júníusson 4, Arnar Gauti Gréttisson 2, Andri Dagur Ófeigsson 2, Styrmir Sigurðsson 1, Jón Hjálmarsson 1, Arnar Steinn Arnarsson 1, Ólafur Guðni Eiríksson 1/1.
Varin skot: Sverrir Andrésson 11, 39,3% – Jovan Kukobat 3, 20%.

Mörk FH: Jakob Martin Ásgeirsson 7, Ásbjörn Friðriksson 6/3, Egill Magnússon 4, Ágúst Birgisson 3, Einar Örn Sindrason 3, Ari Magnús Þorgeirson 2, Bergur Elí Rúnarsson 2, Jóhann Birgir Ingvarsson 1, Gytis Smantauskas 1.
Varin skot: Phil Döhler 9, 40,9% – Svavar Ingi Sigmundsson 5, 27,8%.

Öll tölfræði leiksins er hjá HBStatz.

Stöðu og næstu leiki í Olísdeild karla er að finna hér.

- Auglýsing -
- Auglýsing -

Nýjustu fréttir

- Auglýsing -