- Auglýsing -

Sex leikir eru á dagskrá á Íslandsmótinu

Leikmenn KA/Þórs fagna í leik við HK í vikunni. KA/Þór sækir Val heim í dag. Mynd/Egill Bjarni Friðjónsson

Sex leikir fara fram á Íslandsmótinu í handknattleik í dag. Heil umferð verður leikin í Olísdeild kvenna auk þess sem ein viðueign verður háð í Grill 66-deild kvenna og önnur í Grill 66-deild karla.
Fjörið í Olísdeild kvenna hefst klukkan 13.30 með tveimur leikjum. ÍBV fær Stjörnuna í heimsón og FH sækir Fram heim í Safamýri. Klukkan 16 verður röðin komin að viðureign Vals og Þórs/KA í Origohöllinni á Hlíðarenda klukkan 15. Tveimur stundum síðar mætast Haukar og HK í Schenker-höllinni á Ásvöllum.


Leikir ÍBV og Stjörnunnar annarsvegar og Vals og KA/Þórs verða sýndir á Stöð2Sport. Á leik Fram og FH verður mögulegt að horfa á í gegnum FramLive og HaukarTV sendir út frá viðureign Hauka og HK.
Engum áhorfendum verður heimilt að kaupa sér aðgang að leikjunum á leikstað.

Í Grill 66-deild kvenna mætast ungmennalið Fram og Fjölnir-Fylkir í Framhúsinu klukkan 16 eða fljótlega eftir að viðureign Fram og FH í Olísdeildinni lýkur.

Hörður frá Ísafirði sækir ungmennalið Hauka heim í Grill 66-deild karla klukkan 14 í Schenkerhöllinni á Ásvöllum.


Stöðuna í Olísdeild kvenna er hægt að sjá hér.

- Auglýsing -
- Auglýsing -

Nýjustu fréttir

- Auglýsing -