Á brattann að sækja

Hörður Fannar Sigþórsson. Mynd/FB-síða Harðar Fannars

Ekki gekk sem skildi hjá Íslendingum í fyrstu leikjum undanúrslita í færeysku úrvalsdeildinni í handknattleik karla í kvöld. Hörður Fannar Sigþórsson og félagar í KÍF frá Kollafirði töpuðu naumlega á heimavelli fyrir ríkjandi meisturum, H71, 27:26, í Kollafirði. Leikmenn Neistans, undir stjórn Arnars Gunnarssonar, töpuðu með 10 marka mun fyrir VÍF í Vestmanna, 35:25, eftir að hafa átt á brattann að sækja frá upphafi. VÍF var sex mörkum yfir í hálfleik, 17:11.


Hörður Fannar skoraði tvö af mörkum KÍF sem var í hörkuleik frá byrjun til enda gegn H71. Staðan var jöfn, 14:14, eftir fyrri hálfleik.


KÍF sækir HK71 heim á laugardaginn í annarri umferð. Næsta viðureign Neistans og VÍF verður á mánudaginn í Þórshöfn.


Vinna þarf tvo leiki til þess að komast í úrslitaeinvígið. Komi til þriðju leikja verða þeir á miðvikudaginn eftir páska.

- Auglýsing -

Nýjustu fréttir

- Auglýsing -