- Auglýsing -

Aftur í efsta sæti

Ýmir Örn Gíslason leikmaður Rhein-Neckar Löwen í Þýskalandi. Mynd/Rhein-Neckar Löwen.

Ýmir Örn Gíslason og samherjar í Rhein-Neckar Löwen komust á nýjan leik í efsta sæti þýsku 1. deildarinnar í dag með öruggum níu marka sigri á Balingen, 36:27, á heimavelli. Löwen var tveimur mörkum yfir í hálfleik, 16:14.

Oddur Gretarsson skoraði fimm af mörkum Balingen, þar af fjögur úr vítaköstum. Balingen situr á botni deildarinnar án stiga eftir sex leiki.

Ýmir Örn var að vanda akkerið í vörn Rhein-Neckar Löwen. Hann skoraði eitt mark. Löwen hefur nú 10 stig eftir sex leiki eins og Flensburg en Löwen stendur betur að vígi með tilliti til markatölu. Kiel getur komist upp að hlið Löwen og Flensburg með tíu stig með sigri á GWD Minden síðar í dag.

Fjórir síðustu leikir sjöttu umferðar hefjast klukkan 15.

Kiel – GWD Minden
Coburg – Magdeburg
Melsungen – Nordhorn
Füchse Berlin – Wetzlar.

- Auglýsing -
- Auglýsing -

Nýjustu fréttir

- Auglýsing -