Afturelding semur við skyttu frá Túnis

Hamza Kablouti nýr leikmaður Aftureldingar. Mynd/Aðsend

Aftureldingarmenn þétta raðirnar fyrir komandi keppnistímabil í Olísdeildinni og í Coca Cola-bikarnum. Félagið hefur samið við Hamza Kablouti 26 ára gamla rétthenta skyttu frá Túnis. Kablouti er rétthent skytta 194 sentímetrar á hæð og 92 kg.


Kablouti sem er með franskt ríkisfang kemur til Aftureldingar frá Ivry í Frakklandi. Hann var þó aðeins með Ivry frá því í janúar á þessu ári en liðið keypti hann frá Pontault í næst efstu deild hvar hann hafði verið frá árinu 2018.


Þegar Ivry féll úr efstu deild í vor var Kablouti leystur undan samningi.


Kablouti á að baki landsleiki fyrir Túnis og hefur m.a. leikið með landsliði þjóðar sinnar á heimsmeistaramótum fullorðinna og unglinga.


Hann er væntanlegur í Mosfellsbæinn fljótlega og mun taka þátt að fullu i undirbúningi Aftureldingarliðsins fyrir átökin á komandi leiktíð.

- Auglýsing -

Nýjustu fréttir

- Auglýsing -