Aldrei lék vafi í Kaplakrika

Hlyur Jóhannsson, FH-ingur, á leiðinni á milli tveggja HK-inga. Mynd/J.L.Long

Efsta lið Olísdeildar karla í handknattleik, FH, átti ekki í teljandi vandræðum með neðsta lið Olísdeildarinnar er þau mættust í Kaplakrika í kvöld. FH-liðið tók völdin í leiknum strax í upphafi og vann með níu marka mun, 33:24. Sex mörkum munaði á liðunum að loknum fyrri hálfleik, 17:11.


FH-ingar halda þar með áfram efsta sæti deildarinnar með 22 stig eftir 14 leiki eins og Haukar. Valur er tveimur stigum á eftir og á leik til góða. Stjarnan er síðan í fjórða sæti, fjórum stigum á eftir efstu liðunum tveimur.
HK er áfram í neðsta sæti með eitt stig og því miður þá þyngist róðurinn fremur en hitt.

Bergur Elí Rúnarsson skoraði tvö mörk fyrir FH í kvöld. Mynd/J.L.Long


Sem fyrr segir skildu leiðir liðanna strax í upphafi. FH lék án Phil Döhlers, markvarðar og Litáska landsliðsmannsins, Gytis Smantauskas.
Sebastian Alexandersson, þjálfari HK, var við stjórnvölin hjá HK að þessu sinni. Guðfinnur Kristmannsson, sem starfar með Sebastian, var á sínum stað og Árni Stefánsson bættist í hópinn.

Ásbjörn Friðriksson var að vanda kjölfestan í FH-liðinu. Mynd/J.L.Long


Mörk FH: Ásbjörn Friðriksson 6/2, Einar Örn Sindrason 5/2, Atli Steinn Arnarson 4, Leonharð Þorgeir Harðarson 4, Birgir Már Birgisson 4, Ágúst Birgisson 3, Jón Bjarni Ólafsson 3, Bergur Elí Rúnarsson 2, Jakob Martin Ásgeirsson 1, Hlynur Jóhannsson 1.
Varin skot: Svavar Ingi Sigmundsson 10/1, 31,3% – Júlíus Freyr Bjarnason 1, 33,3%.

Mörk HK: Hjörtur Ingi Halldórsson 8/1, Kristján Ottó Hjálmsson 8, Einar Pétur Pétursson 2, Sigurvin Jarl Ármannsson 2, Einar Bragi Aðalsteinsson 2, Sigurður Jefferson Guarino 1, Júlíus Flosason 1.
Varin skot: Sigurjón Guðmundsson 6, 33,3% – Róbert Örn Karlsson 2/1, 10,5% – Sigurður Örn Arnarsson 2, 33,3%.

HK-menn reyndu hvað þeir gátu til að stöðva Ágúst Birgisson línumann FH en allt kom fyrir ekki. Mynd/J.L.Long



Öll tölfræði leiksins er hjá HBStatz.

Stöðu og næst leiki í Olísdeild karla er að finna hér.

a>
- Auglýsing -

Nýjustu fréttir

- Auglýsing -