- Auglýsing -

Alltaf heiður að vera valinn

Oddur Gretarsson skoraði sigurmarkið í Ludwigshafen. Mynd/Balingen Weilstetten

„Það er auðvitað mikill heiður að vera valinn í landsliðið og mikil ánægja með það af minni hálfu,“ sagði handknattleiksmaðurinn Oddur Gretarsson við handbolta.is í dag eftir að ljóst var að hann var í íslenska landsliðshópnum sem valinn var vegna leikja við Ísrael og Litháen í undankeppni EM2022 sem til stendur að fari fram hér á landi í byrjun nóvember.

Tæp níu ár eru liðin síðan Oddur var síðast valinn í keppnishóp landsliðsins sem tók þátt í Evrópumótinu í Serbíu í janúar 2012.

Oddur hefur leikið um árabil í Þýskalandi, þar af hjá Balingen-Weilstetten frá 2017 Hann segist hafa gert sér vonir um að vera í hópnum að þessu sinni.

„Eftir að ég var valinn í stóra hópinn fyrir EM í janúar þá vaknaði von um að ég myndi verða valinn núna í viðbót við að Guðjón Valur tók þá ákvörðun að hætta í sumar,“ sagði Akureyringurinn Oddur Gretarsson við handbolta.is.

- Auglýsing -
- Auglýsing -

Nýjustu fréttir

- Auglýsing -