Arna Sif hefur samið við Íslandsmeistarana

Arna Sif Pálsdóttir leikur með Íslandsmeisturunum Fram og með næsta keppnistímabili. Mynd/Fram

Ein leikreyndasta handknattleikskona landsins, Arna Sif Pálsdóttir, hefur gengið til liðs við Íslands- og deildarmeistara Fram og skrifað undir tveggja ára samning. Er um sannkallaðan hvalreka að ræða fyrir Framara vegna þess að Arna Sif hefur verið ein öflugasta línukona og varnarkona í íslenskum handknattleik um langt árabil.


Arna Sif var í leyfi frá handknattleik á síðasta tímabili eftir að hafa alið barn árið 2021. Hún var síðast með Val hér framan af keppnistímabilinu 2020/2021 en glímdi þá við þrálát meiðsli sem hún hafði orðið fyrir leiktíðina áður.



Arna Sif lék með HK þegar hún var yngri en fór til Danmerkur 2009 og lék með Horsens, Team Esbjerg, Aalborg DH og SK Aarhus fram til 2015. Eftir það tóku við tvö ár hjá Nice þar sem hún var m.a. samherji Karenar Knútsdóttur leikmanns Fram. Áður en Arna Sif flutti heim árið 2018 lék hún í eitt ár með Debreceni VSC í Ungverjalandi. Hún er eina íslenska handknattleikskonan sem leikið hefur sem atvinnumaður í handknattleik þar í landi. Eftir heimkomu var Arna Sif eitt tímabil með ÍBV en hún á ættir að rekja til Vestmannaeyja.


Arna Sif hefur leikið liðlega 140 landsleiki.

a>
- Auglýsing -

Nýjustu fréttir

- Auglýsing -