Árni Bragi fór úr axlarlið

Árni Bragi Eyjólfsson leikmaður Aftureldingar. Mynd/Raggi Óla

Árni Bragi Eyjólfsson, leikmaður Aftureldingar og markahæsti og besti leikmaður Olísdeildarinnar í handknattleik á síðasta keppnistímabili, fór úr hægri axlarlið þegar rúmar 12 mínútur voru eftir af leik Aftureldingar og Selfoss á Varmá í gærkvöld.


Árni Bragi staðfesti í skilaboðum til handbolta.is fyrir stundu að því miður hafi hann farið úr axlarlið í leiknum. Hann er kominn í lið á ný en bíður niðurstöðu frá bæklunarlækni og mun vitanlega taka því rólega á næstunni. Þar af leiðandi er óvíst hvernig endurhæfingu verður háttað eða hvort þörf verði á aðgerð á öxlinni.


Þegar atvikið átti sér stað hafi Árni Bragi unnið boltann af leikmönnum Selfoss á miðjum leikvellinum, hlaupið fram völlinn þar sem hann lenti í samstuði við Selfyssing og féll við með þessu afleiðingum.

- Auglýsing -

Nýjustu fréttir

- Auglýsing -