Aron hrósaði sigri í fyrsta undirbúningsleiknum

Aron Kristjánsson stýrir landsliði Barein á Ólympíuleikunum sem fram fara í Japan. Mynd/EPA

Aron Kristjánsson og lærisveinar hans í landsliði Barein unnu landslið Eistlands, 36:25, í fyrstu viðureign liðanna af þremur á nokkrum dögum í Barein í fyrradag. Liðin mætast aftur í dag.


Leikirnir eru liður í undirbúningi Bareina fyrir Ólympíuleikana en þeir taka nú þátt í fyrsta skipti í handknattleikskeppni Ólympíuleika.
Bareinar voru með yfirhöndina í fyrsta leiknum frá upphafi til enda, voru m.a. sex mörkum yfir að loknum fyrri hálfleik, 17:11.


Barein verður í riðli á leikunum með heimsmeisturum Dana, Svíum, Portúgölum, Egyptum og Japönum, sem eru undir stjórn Dags Sigurðssonar.


Aron hóf undirbúning landsliðsins 23. júní, um leið og hann kom út til Barein að loknu Íslandsmótinu í handknattleik.

- Auglýsing -

Nýjustu fréttir

- Auglýsing -