Austurríki var eina liðið úr neðri styrkleikaflokki er lék í kvöld sem náði að tryggja sér farseðilinn á heimsmeistaramótið í handknattleik kvenna. Austurríska landsliðið sló út það pólska með þriggja marka mun, 29:26, í síðari viðureign liðanna. Leikið var í Póllandi. Fyrri viðureigninni sem fram fór í Austurríki á föstudaginn lauk með jafntefli.
Sviss sem einnig stóð vel að vígi eftir jafntefli við Tékklandi á útivelli í fyrri leiknum tapaði á heimavelli, 28:22, og sitja leikmenn landsliðs Sviss eftir með sárt ennið.
Úrslit kvöldsins – samanlögð úrslit:
Hvíta-Rússland – Svartfjallaland 24:26 – 47:55.
Þýskaland – Portúgal 34:23 – 66:50.
Rússland – Tyrkland 45:24 – 80:47.
Pólland – Austurríki 26:29 – 55:58.
Sviss – Tékkland 22:28 – 49:55.