Benedikt, Einar, Ágúst og Tjörvi sköruðu fram úr

Ágúst Birgirsson kom mikið við sögu í leikjum FH í síðasta mánuðu eins og endranær. Mynd/J.L.Long

Benedikt Gunnar Óskarsson leikmaður Vals var besti leikmaður Olísdeildar karla í handknattleik í nóvember samkvæmt niðurstöðum tölfræðiveitunnar HBStatz sem birti samantekt sína í dag.

Valsarinn ungi skoraði að jafnaði sjö mörk í leik með Val í nóvember og var var með 64% skotýtingu. Einnig var Benedikt Gunnar með 8,3 sköpuð færi að jafnaði í leik og átti 6,3 stoðsendingar í leik. Hann var nærri því að krækja í eitt vítkast í leik í mánuðinum.


HBStatz greindi einnig frá því að Einar Baldvin Baldvinsson, Gróttu, hafi verið markvörður mánaðarins og Ágúst Birgisson, FH, var sá sem skaraði fram úr öðrum varnarmönnum Olísdeildar í nóvember.

Tjörvi Þorgeirsson var besti sóknarmaður mánaðarins en niðurstöður tölfræði þremenninganna má lesa út úr myndum af þeim sem eru hér fyrir neðan. Ágúst og Tjörvi mætast í kvöld þegar FH og Hauka mætast í upphafsleik 11. umferðar Olísdeildar karla kl. 19.30.

- Auglýsing -

Nýjustu fréttir

- Auglýsing -