Bilbug er ekki að finna á Vængjum – nýr þjálfari

Gísli Steinar Valmundsson leikmaður, Jónas Bragi Hafsteinsson nýr þjálfari Vængjaliðsins og Andri Hjartar Grétarsson leikmaður. Mynd/VJ

Engan bilbug er að finna á liðsmönnum Vængja Júpiters. Leikmenn eru byrjaðir að búa sig undir átök tímabilsins í Grill66-deild karla en þeir voru í fyrsta skipti með í deildinni á síðustu leiktíð. Jónas Bragi Hafsteinsson hefur verið ráðinn þjálfari í stað Arnórs Ásgeirssonar og Viktors Lekve sem hafa snúið sér að öðrum verkefnum.


Arnór mun áfram sinna störfum fyrir félagið en Viktor hefur verið ráðinn þjálfari hjá Fjölni eins og áður hefur verið greint frá á handbolti.is.


Talsverð eftirvænting ríkir fyrir komandi tímabili enda eru menn reynslunni ríkari eftir síðustu leiktíð. Í tilkynningu sem handbolta.is barst frá Vængjum Júpíters segir að frekari fregna af leikmanna og þjálfaramálum sé að vænta innan tíðar.

a>
- Auglýsing -

Nýjustu fréttir

- Auglýsing -