- Auglýsing -

Bjarki Már heldur áfram

Bjarki Már Elísson verður ekki með landsliðinu í leiknum við Litháa. Mynd/EPA

Markakóngur þýsku 1. deildarinnar í handknattleik á síðustu leiktíð, Bjarki Már Elísson, byrjar leiktíðina af krafti. Hann skoraði átta mörk í kvöld, þar af eitt úr vítakasti þegar Lemgo vann nýliða Coburg, 33:26, á heimavelli í fyrstu umferð deildarinnar.

Lemgo var marki yfir í hálfleik, 14:13, en tók síðan völdin í leiknum þegar komið var fram í síðari hálfleik.

Bjarka Má brást bogalistin í tveimur vítaköstum en annars fór aðeins eitt skot forgörðum hjá honum.

Arnór Þór Gunnarsson skoraði tvö mörk úr vítaköstum þegar lið hans Bergischer vann Magdeburg á útivelli, 31:27, eftir að hafa verið undir að loknum fyrri hálfleik, 16:14. Ragnar Jóhannsson var ekki á meðal markaskorara hjá Bergischer.

Gísli Þorgeir Kristjánsson og Ómar Ingi Magnússon skoruðu eitt mark hvor fyrir Magdeburg.

Tveir leikir til viðbótar fóru fram í þýsku 1. deildinni í kvöld. Hannover Burgdorf vann GWD Minden, 26:25, Leipzig vann stórsigur á Ludwigshafen, 27:19, eftir að hafa verið fimm mörkum yfir í hálfleik, 12:7.

- Auglýsing -
- Auglýsing -

Nýjustu fréttir

- Auglýsing -