Bjarki Már Elísson og samherjar hans í bikarmeistaraliði Lemgo drógust gegn MT Melsungen í átta liða úrslitum þýsku bikarkeppninnar í handknattleik. Dregið var í dag þótt einni viðureign sé ólokið í 16-liða úrslitum.
Bjarki Már og félagar mættu Melsungen í úrslitaleik bikarkeppninnar í vor. Með Melsungen leika m.a. Íslendingarnir Alexander Petersson, Arnar Freyr Arnarsson og Elvar Örn Jónsson.
Leikir átta liða úrslitanna fara fram 5. og 6. febrúar.
Ýmir Örn Gíslason og lið hans Rhein-Neckar Löwen fær heimaleik gegn THW Kiel í átta liða úrslitum.
Gummersbach, sem hefur þrjá íslenska landsliðsmenn innan sinna raða um þessar mundir auk þjálfarans Guðjóns Vals Sigurðsson, leikur við 1. deildarliðið HC Erlangen. Gummersbach verður á heimavelli.
Viðureign ASV Hamm-Westfalen og SC Magdeburg í 16-liða úrslitum fer fram á þriðjudaginn á heimavelli Hamm. Sigurlið leiksins fær heimaleik við GWD Minden í 16-liða úrslitum.
