Blóðtaka fyrir Valsliðið

Ragnheiður Sveinsdóttir verður frá allt keppnistímabilið. Mynd/Valur

Kvennalið Vals í handknattleik hefur orðið fyrir mikilli blóðtöku nú rétt áður en flautað verður til leiks í Olísdeildinni. Ragnheiður Sveinsdóttir var að slíta krossband og leikur ekkert með Valsliðinu á leiktíðinni sem hefst á föstudaginn í kvennaflokki.

Þessi tíðindi eru mikið áfall fyrir Ragnheiði og Valsliðið þar sem hún er afar öflug, jafnt í vörn sem sókn. Ragnheiður leikur á línu en er einnig sterkur varnarmaður.

Ragnheiður kom til Vals um mitt síðasta keppnistímabil eftir að hafa leikið um árabil með Haukum og verið kjölfesta Hafnarfjarðarliðsins. Hún skrifaði undir nýjan tveggja ára samning við Val í byrjun júní.

Valur mætir Haukum í fyrstu umferð Olísdeildarinnar í Origo-höllinni á Hlíðarenda á laugardaginn. Leikurinn hefst klukkan 13.30.

Olísdeild kvenna, 1. umferð:

Föstudagur kl. 17.45 Stjarnan – FH – TM-höllin

Föstudagur kl. 18.30 Fram – HK – Framhúsið

Laugardagur kl. 13.30 Valur – Haukar – Origo-höllin

Laugardagur kl. 16.00 ÍBV – KA/Þór – Vestmannaeyjar

- Auglýsing -

Nýjustu fréttir

- Auglýsing -