Bjarni Ófeigur Valdimarsson er á leið í sænsku úrvalsdeildina í handknattleik. Mynd/Jóhannes Long

Sænska úrvalsdeildarliðið IFK Skövde hefur náð samkomulagi við handknattleiksdeild FH um kaup á Bjarna Ófeigi Valdimarssyni. Bjarni Ófeigur mun ganga strax til liðs við IFK Skövde og hefur því leikið sinn síðasta leik fyrir FH að sinni.

Bjarni Ófeigur gekk til liðs við FH sumarið 2018 og hefur verið einn af burðarásum félagsins undanfarin ár. Bjarni Ófeigur var m.a. einn af lykilleikmönnum FH þegar félagið varð bikarmeistari vorið 2019 eftir 25 ára bið.

„Ég er mjög spenntur að ganga til liðs við IKF Skövde enda virkilega flottur og metnaðarfullur klúbbur. Að sama skapi mun ég sakna FH-liðsins og vona svo sannarlega að strákarnir klári tímabilið með stæl,“ sagði Bjarni Ófeigur Valdimarsson eftir félagaskiptin í fréttatilkynningu sem Handknattleiksdeild FH sendi frá sér í dag.

„Tíminn minn hjá FH hefur verið frábær enda er FH klúbbur þar sem fagmennskan er í hávegum höfð, hvort sem litið er til aðstöðu, umgjörð, þjálfun eða hvert sem er. Bikarmeistaratitillinn í fyrra stendur sérstaklega uppúr,“ sagði Bjarni Ófeigur ennfremur.

„IFK Skövde hafði samband fyrir nokkrum dögum síðan og óskuðu eftir að kaupa Bjarna Ófeig. Öll samskipti við IFK Skövde voru mjög fagleg og samningaviðræður gengu hratt og vel fyrir sig,“ segir Ásgeir Jónsson, formaður Handknattleiksdeildar FH í fyrrgreindri tilkynningu.

„Bjarni Ófeigur hefur reynst okkur vel undanfarin ár og bætt sig mikið hjá FH. Vissulega er slæmt að missa hann á þessum tímapunkti, enda frábær leikmaður, en að sama skapi erum við gríðarlega ánægð fyrir hans hönd að ganga til liðs við stórt og öflugt félag í Skandinavíu og styðjum hann 100% í sinni vegferð,“ sagði Ásgeir Jónsson.

- Auglýsing -

Nýjustu fréttir

Heimsmeistarar Dana að verða fyrir mikilli blóðtöku

Ósennilegt er talið að Rasmus Lauge leiki með danska landsliðinu í handknattleik á heimsmeistaramótinu sem fram fer í Egyptalandi í janúar. Eins...

Penninn áfram á lofti á Hlíðarenda – myndskeið

Valsmenn leggja vart frá sér pennann þessa daga og eru í óða önn að endurnýja og framlengja samninga við leikmenn kvennaliðs félagsins....

Ekki er slegið slöku við í Breiðholti

Leikmenn karlaliðs ÍR í handknattleik eru ekki aðeins á fullu þessa daga við að selja dagatöl, eins og kom fram á handbolti.is...
- Auglýsing -