Búa sig af kappi undir keppni í Ungverjalandi

Handknattleiksráð Reykjavíkur, HKRR, stóð um helgina fyrir æfingum hjá Reykjavíkurúrvali drengja fæddum 2006. 28 strákar voru boðaðir og úr varð flottur hópur sem æfði tvívegis í Víkinni og jafnoft í Valsheimilinu.

Æfingarnar eru undirbúningur fyrir alþjóðlegt mót, Balaton Cup, sem fram fer í Ungverjalandi í janúar 2022 þar sem Reykjavík hefur verið boðið að senda lið til þátttöku. Stórlið Veszprém hefur staðið fyrir mótinu nokkur undanfarin ár.

Meðfylgjandi er nafnlisti þeirra drengja sem valdir voru til þátttöku í æfingabúðunum auk nokkurra mynda af Facebook síðu HKRR.