Býr sig undir að vera án fyrirliðans í nokkrar vikur

Tandri Már Konráðsson fyrirliði Stjörnunnar. Mynd/Skapti Hallgrímsson, akureyri.net

Tandri Már Konráðsson, fyrirliði Stjörnunnar, gat ekki leikið með liðinu í kvöld gegn Haukum og svo kann að fara að hann taki ekki þátt í næstu leikjum liðsins í Olísdeildinni. Að sögn Patreks Jóhannessonar þjálfara Stjörnunnar fékk Tandri Már högg á annað hnéið á æfingu í gær. Ekki liggur fyrir hvað fór úrskeiðis en vonir standa til þess að ástandið skýrist á morgun.


„Binni [Brynjólfur Jónsson læknir] ætlar að skoða hnéð á Tandra á morgun. Eftir það vitum við hvers eðlis þessi meiðsli eru en ég bý mig undir að vera án Tandra í einhverjar vikur,“ sagði Patrekur Jóhannesson, þjálfari Stjörnunnar, í samtali við handbolta.is eftir sigurleikinn á Haukum í Schenkerhöllinni á Ásvöllum í kvöld, 30:28.

- Auglýsing -

Nýjustu fréttir

- Auglýsing -