- Auglýsing -
Ekki verður slegið slöku við í keppni á Íslandsmótinu í handknattleik í kvöld. Tveir leikir eru á dagskrá, hvor í sinni deildinni.
Íslands- og bikarmeistarar Vals fá nýliða HK í heimsókn klukkan 20 í Olísdeild karla. Um er að ræða leik úr annarri umferð sem slegið var á frest vegna þátttöku Vals í Evrópudeildinni síðla í september.
Í Hertzhöllinni á Seltjarnarnesi verður boðið upp á leik í Grill66-deild kvenna á milli Gróttu og ungmennaliðs Fram. Leikurinn er skráður í 12. umferð sem fram á að fara í janúar en var af einhverjum ástæðum flýtt. Grótta hefur leikið einn leik í deildinni til þessa en hinsvegar verður um að ræða frumraun ungmennaliðs Fram á þessari leiktíð.
Leikir kvöldsins
Grill66-deild kvenna:
Hertzhöllin: Grótta – Fram U, kl. 19.30.
Stöðuna í Grill 66-deild kvenna ásamt yfirliti um næstu leiki má sjá hér.
Olísdeild karla:
Origohöllin: Valur – HK, kl. 20.
Stöðuna í Olísdeild karla ásamt yfirliti um næstu leiki má sjá hér.
- Auglýsing -
