Dagskráin: Úrslitakeppni með öðru sniði hefst

Erlingur Richardsson þjálfari ÍBV.- Mynd/Egill Bjarni Friðjónsson

Átta liða úrslit úrslitakeppni Olísdeildar karla í handknattleik hefjast í kvöld með tveimur leikjum sem fram fara í Vestmanneyjum og Mosfellbæ. Síðari leikirnir tveir í fyrri umferð átta liða úrslita verða annað kvöld.


Úrslitakeppni í Olísdeildar karla verður með öðru sniði en síðustu ár. Að þessu sinni mætast liðin tvisvar sinnum og svo kann að fara að Íslandsmeistari verði það lið sem skorar fleiri mörk á útivelli.

Fyrsta umferð fer fram í kvöld og annað kvöld, á fimmtudag og á föstudag. Undanúrslit hefjast á þriðjudaginn eftir rúma viku.


Leikir kvöldsins, 8-liða úrslit Olísdeildar karla, fyrri leikir:
Vestmannaeyjar: ÍBV – FH, kl. 18 – sýndur á Stöð 2 Sport.
Varmá: Afturelding – Haukar, kl. 19.40 – sýndur á Stöð 2 Sport.


Annað kvöld eigast við KA og Valur annarsvegar og Stjarnan og Selfoss hinsvegar.

Uppfært: Fréttin hefur verið uppfærð frá því að hún var birt í morgun eftir að ábending barst frá lesanda sem staddur er útlöndum um að fréttin væri röng að því leytinu til að ekki kæmi til framlengingar verði lið jöfn eftir tvo leiki.

- Auglýsing -

Nýjustu fréttir

- Auglýsing -