Daníel Þór Ingason, landsliðsmaður í handknattleik, flytur sig um set í sumar frá Danmörku til Þýskalands. Hann hefur samið við þýska 1. deildarliðið Balingen-Weilstetten en félagið greinir frá þessu í morgun. Þar með verður Daníel Þór liðsfélagi Odds Gretarssonar sem framlengdi samning sinn við Balingen í vetur.
Daníel Þór hefur undanfarin tvö ár leikið með Ribe-Esbjerg í dönsku úrvalsdeildinni og kom til félagsins frá Haukum hvar hann lék við góðar orðstír frá 2016. Þar áður var Daníel Þór í herbúðum Vals. Samningur Daníels Þórs við Balingen er til tveggja ára, til loka júní 2023.
Daníel Þór, sem á 31 landsleik að baki, er í íslenska landsliðshópnum sem mætir Ísrael í kvöld í undankeppni EM í Tel Aviv í kvöld. Hann tók þátt í HM í Þýskalandi 2019. Þess má til fróðleiks geta að Daníel Þór er þriðja kynslóð landsliðsmanna í beinan karllegg. Afi hans Jón Breiðfjörð lék með landsliðinu og einnig faðir Daníels Þór, Ingi Rafn Jónsson. Báðir lék þeir einnig með Val eins og Daníel Þór gerði á árunum 2013 til 2016.
Balingen-Weilstetten er staðsett í suður hluta Þýskalands. Liðið situr í 16. sæti 1. deildar um þessar mundir með 17 stig þegar það á 11 leiki eftir.
