- Auglýsing -
Hefur þú áhuga á að þjálfa norska karlalandsliðið í handknattleik eða hefur lengið alið með þér þann draum? Ef svo er þá er starfið laust til umsóknar frá og með deginum í dag. Þú hefur mánuð til þess að gera upp hug þinn.
Norska handknattleikssambandið leitar um þessar mundir að eftirmanni Christian Berge sem hættir í vor sem landsliðsþjálfari í handknattleik karla og tekur við þjálfun félagsliðsins Kolstad.
Þeir sem telja sig hafa burði til þess að þjálfa norska landsliðið, sem er eitt það besta í heiminum, geta sótt um starfið, eftir því sem fram kemur á vef norska handknattleikssambandsins. Umsóknarfrestur er til 9. apríl nk.
Áhugasamir geta smellt hér til þess að afla sér frekari upplýsinga.
- Auglýsing -
