Michael Roth, t.v., er hættur þjálfun landsliðs Barein eftir skamman tíma í starfi. Mynd/Twittersíða handknattleikssambands Barein

Eftirmaður Arons Kristjánssonar í stóli landsliðsþjálfara Barein í handknattleik karla staldraði stutt við í starfi. Þjóðverjinn Michael Roth var ráðinn til starfans í haust en hefur nú látið af störfum eftir að hafa stýrt landsliðið Barein í tveimur leikjum gegn Egyptalandi fyrir skömmu. Roth var ráðinn til starfans um miðjan ágúst.

Roth segir í samtali við þýska fjölmiðla í dag að eins og málum sé háttað í heiminum í dag hafi hann ekki treyst sér til að sinna starfinu. Eftir að hafa fengið nasaþefinn af starfinu hafi hann fengið nóg. Útilokað sé að vera á stöðugum ferðalögum á milli Þýskalands og Barein.

Roth mun hafa hætt um síðustu helgi. Barein verður með á HM sem hefst í Egyptalandi og því ljóst að menn þar á bæ geta ekki dregið til lengdar að ráða eftirmann Þjóðverjans. Ekki er að finna neitt um uppsögn Roth á Twitter-síðu Handknattleikssambands Barein.

Roth, sem er 58 ára gamall, var þjálfari Melsungen í Þýskalandi frá 2010 til 2018 og var eftir það í um ár hjá Sydney University Handball Club í Ástralíu.

Áður en Aron tók við þjálfun landsliðs Barein 2018 var Guðmundur Þórður Guðmundsson lansliðsþjálfari þar í nærri eitt ár.

- Auglýsing -

Nýjustu fréttir

Heimsmeistarar Dana að verða fyrir mikilli blóðtöku

Ósennilegt er talið að Rasmus Lauge leiki með danska landsliðinu í handknattleik á heimsmeistaramótinu sem fram fer í Egyptalandi í janúar. Eins...

Penninn áfram á lofti á Hlíðarenda – myndskeið

Valsmenn leggja vart frá sér pennann þessa daga og eru í óða önn að endurnýja og framlengja samninga við leikmenn kvennaliðs félagsins....

Ekki er slegið slöku við í Breiðholti

Leikmenn karlaliðs ÍR í handknattleik eru ekki aðeins á fullu þessa daga við að selja dagatöl, eins og kom fram á handbolti.is...
- Auglýsing -