Eins marks tap í spennuleik

Elín Rósa Magnúsdóttir að komast á milli tveggja varnarmanna Sviss í leiknum í kvöld. Mynd/HSÍ

B-landsliðið í handknattleik kvenna missti fimm marka forskot niður í eins marks tap, 28:27, gegn Sviss í kvöld á æfingamóti í Cheb í Tékklandi. Þar með hefur íslenska liðið tapað tveimur fyrstu leikjum sínum á mótinu. Lokaleikurinn verður gegn Tékkum í fyrramálið. Landslið Noregs og Sviss hafa unnið tvo fyrstu leiki sína á mótinu.

Eftir góðan fyrri hálfleik var íslenska liðið með þriggja marka forskot, 17:14. Liðið hóf síðari hálfleik af krafti og skoraði m.a. sex fyrstu mörk sín eftir hraðaupphlaup á sama tíma og vopnin snerust í höndum leikmanna svissneska liðsins. Íslenska liðið náði mest fimm marka forskoti en allt kom fyrir ekki. Leikmenn Sviss unnu sig hægt og bítandi inn leikinn. Þegar síðari hálfleikur var rúmlega hálfnaður var staðan jöfn. Við tóku æsispennandi lokamínútur sem lauk með tapi íslenska liðsins.

Díana Dögg Magnúsdóttir var valin besti leikmaður íslenska liðsins í leiknum.

Díana Dögg Magnúsdóttir og Sara Sif Helgadóttir. Mynd/HSÍ


Mörk Íslands: Díana Dögg Magnúsdóttir 5, Sara Dögg Hjaltadóttir 5, Jóhanna Margrét Sigurðardóttir 3, Elín Rósa Magnúsdóttir 3, Elna Ólöf Guðjónsdóttir 3, Birta Lind Jóhannsdóttir 3, Mariam Eradze 2, Lena Margrét Valdimarsdóttir 1, Berglind Þorsteinsdóttir 1, Harpa María Friðgeirsdóttir 1.

Sara Sif Helgadóttir varði 11 skot og Saga Sif Gísladóttir 1.

A-landslið Íslands og Sviss eigast við í Cheb klukkan 19.

a>
- Auglýsing -

Nýjustu fréttir

- Auglýsing -