Ekki eru öll kurl komin til grafar þrátt fyrir Haukasigur

Jón Karl Einarsson, skoraði 13 mörk fyrir ungmennalið Hauka gegn Herði. Mynd/Eyjólfur Garðarsson

Ungmennalið Hauka vann lið Harðar frá Ísafirði, 31:26, í Grill 66-deild karla í Schenkerhöllinni á Ásvöllum í kvöld. Ekki eru þó öll kurl komin til grafar eftir því sem næst verður komist.


Haukar munu hafa teflt fram fimm leikmönnum í ungmennaliðinu að þessu sinni sem voru á skýrslu í síðasta leik A-liðsins í Olísdeildinni. Þeir mega hinsvegar eingöngu vera fjórir. Eftir því sem næst verður komist mun þátttaka fimmta mannsins draga dilk á eftir sér ef marka má leikskýrslu þar sem fram kemur að skýrsla sér væntanleg frá forráðamanni Harðar. Samkvæmt heimildum handbolta.is mun það vera vegna fimmta mannsins.


Um var að ræða leik sem varð að fresta í fimmtu umferð í vetur. Haukar voru sterkari í leiknum í fyrri hálfleik og voru fimm mörkum yfir að honum loknum, 18:13. Þeim tókst að halda sjó í síðari hálfleik gegn baráttuglöðum leikmönnum Harðar.


Mörk Hauka U.: Jón Karl Einarsson 13, Þorfinnur Máni Björnsson 6, Guðmundur Bragi Ástþórsson 5, Kristófer Máni Jónasson 3, Róbert Snær Örvarsson 2, Sigurður Jónsson 1, Steinn Kári Pétursson 1.
Mörk Harðar: Guntis Pilpuks 6, Raivis Gorbunovs 6, Jón Ómar Gíslason 5, Endijs Kusners 2, Aleksa Stefanovic 2, Óli Björn Vilhjálmsson 2, Ásgeir Óli Kristjánsson 1, Sudario Eiður Carneiro 1, Stefán Freyr Jónsson 1.


Ath – Á leikskýrslu stendur að leikurinn hafi endað 31:26 fyrir Hauka en þegar mörk Harðar eru lögð saman reynast þau vera 29.

Staðan í Grill 66-deildinni.

- Auglýsing -

Nýjustu fréttir

- Auglýsing -