Aron Pálmarsson og leikmenn íslenska landsliðsins mæta Ungverjum, Portúgal og Hollandi í á EM 2022. Mynd/EPA

Enn og aftur mætir íslenska landsliðið Portúgal á handknattleiksvellinum þegar Evrópumeistaramótið í handknattleik fer fram í Ungverjalandi og Slóvakíu í janúar nk. Dregið var fyrir stundu. Auk Portúgals mætir íslenska landsliðið Ungverjum og Hollandi í B-riðli mótsins sem leikinn verður í Búdapest.


Tvö lið fara áfram í milliriðla sem einnig verða leiknir í Búdapest og koma þá tvö efstu lið A-riðils og C-riðils inn í milliriðilinn.


Erlingur Richardsson er landsliðsþjálfari Hollendinga sem verður einn mótherja Íslands.

Debrechen – A-riðill: Slóvenía, Danmörk, Norður-Makedónía, Svartfjallaland.
Búdapest – B-riðilll: Portúgal, Ungverjaland, Ísland, Holland.
Szeged – C-riðill: Króata, Serbía, Frakkland, Úkraína.
Bratislava – D-riðill: Þýskaland, Austurríki, Hvíta-Rússland, Pólland.
Bratislava – E-riðill: Spánn, Svíþjóð, Tékkaland, Bosnía.
Kosice – F-riðill: Noregur, Rússland, Slóvakía, Litáen.


Íslenska landsliðið var með Portúgal í riðli fyrir undankeppnina að þessu sinni. Einnig drógust lið þjóðanna saman í riðil á HM í Egyptaland í janúar sl. Þá mættust Íslendingar og Portúgalar í milliriðli á EM 2020.

- Auglýsing -

Nýjustu fréttir

- Auglýsing -