FH komst í efsta sæti Grill66-deildar kvenna í handknattleik með stórsigri á ungmennaliði Fram í upphafsleik 4. umferðar í Kaplakrika í kvöld, 28:16, eftir að hafa verið tíu mörkum yfir að loknum fyrri hálfleik, 16:6.
Þar með hefur FH sex stig að loknum fjórum leikjum og ungmennalið Fram fjögur stig en það var taplaust fyrir leikinn í kvöld. Grótta og Selfoss hafa einnig fjögur stig en eiga leik til góða á FH.
Emilía Ósk Steinarsdóttir og Hildur Guðjónsdóttir fóru á kostum hjá FH. Emilía skoraði 10 mörk og Hildur níu.
Mörk FH: Emilía Ósk Steinarsdóttir 10, Hildur Guðjónsdóttir 9, Fanney Þóra Þórsdóttir 3, Arndís Sara Þórsdóttir 3, Aþena Arna Ágústsdóttir 1, Emma Havin Sardarsdóttir 1, Sigrún Jóhannsdóttir 1.
Mörk Fram u.: Elína Ása Bjarnadóttir 5, Dagmar Guðrún Pálsdóttir 4, Eydís Pálmadóttir 2, Arnbjörg Bertha Kristjánsdóttir 2, Sara Rúna Gísladóttir 1, Valgerður Arnalds 1, Amelíka Eik Bjarkadóttir 1.
Stjarnan var sterkari
Einn leikur fór fram í Grill66-deild kvenna í gærkvöld. Ungmennalið Stjörnunnar vann Víking, 27:26, í TM-höllinni í hörkuleik en þetta var annar sigur Stjörnuliðsins í deildinni á leiktíðinni. Víkingar, sem unnu FH-inga, voru með fimm marka forskot í hálfleik, 17:12.
Mörk Stjörnunnar U.: Thelma D. Einarsdóttir 7, Sona Lind Sigsteinsdóttir 7, Thelma Sif Sófusdóttir 5, Katla M. Magnúsdóttir 4, Birta M. Sigmundsdóttir 2, Birta Líf Haraldsdóttir 1, Hanna Guðrún Hauksdóttir 1.
Mörk Víkings: Anna Þyrí Ólafsdóttir 10, Ester Inga Ögmundsdóttir 5, Kara Rún Árnadóttir 4, Auður Brynja Sölvadóttir 3, Alana Elín Steindórsdóttir 2, Helga Lúðvíka Hallgrímsdóttir 2.
Stöðuna og næstu leiki í Grill66-deild kvenna má sjá hér.
