- Auglýsing -

Fimm liðsfélagar smitaðir

Aron Dagur Pálsson leikmaður sænska úrvalsdeildarliðins Alingsås. Mynd /Alingsås

Upp hefur komið smit meðal samherja Arons Dags Pálssonar handknattleiksmanns hjá sænska úrvalsdeildarliðinu Alingsås. Þar af leiðandi hefur leik Alingsås og Aranäs sem fram átti að fara í kvöld verið frestað um ótiltekinn tíma.

„Við fórum í próf í gær og ég mældist neikvæður en það eru fimm smitaðir í hópnum,“ sagði Aron Dagur við handbolta.is nú eftir hádegið.

„Það verða engar æfingar allavega næstu þrjá daga. Staðan verður tekin eftir helgina,“ sagði Aron Dagur sem hefur ekki verið upplýstur um hvort hann fari í aðra skimun fyrir kórónuveirunni eftir helgina.

Grunur leikur á að smitið hafi borist í herbúðir Alingsås-liðsins þegar það sótti RK Nexe heim til Króatíu á dögunum í Evrópudeildinni. Fyrir leikinn mældust fjórir leikmenn Nexe með kórónuveiruna. Þeir tóku ekki þátt í viðureigninni við Alingsås en ljóst má vera að veiran var á sveimi í umhverfi liðsins.

- Auglýsing -
- Auglýsing -

Nýjustu fréttir

- Auglýsing -