Fimmti sigurinn í höfn

Sandra Erlingsdóttir leikmaður EH Aalborg. Mynd/EH Aalborg Support

Sandra Erlingsdóttir og samherjar hennar í EH Aalborg unnu öruggan sigur á AGF Håndbold, 29:20, á heimavelli sínum í dag þegar keppni hófst á ný í dönsku 1. deildinni í handknattleik eftir hálfsmánaðar hlé vegna alþjóðlegra landsliðsæfinga og leikjadaga.

EH Alaborg var með yfirhöndina í leiknum frá upphafi til enda og kom það svo sem ekki á óvart þar sem annað liðið var efst og ósigrað fyrir leikinn en hitt skrapaði botninn án stiga.

Sandra lék að vanda á miðjunni í sóknarleik EH Aalborg. Hún skoraði fjögur mörk, þar af eitt úr vítakasti og var næst markahæsti leikmaður liðsins.

Staðan að loknum fyrri hálfleik var 16:11, EH Alaborg í vil.

EH Aalborg hefur þar með náð í 10 stig eftir leikina fimm sem eru að baki. Næsti leikur verður á útivelli gegn DHG sem mun vera með aðsetur í Óðinsvéum.

- Auglýsing -

Nýjustu fréttir

- Auglýsing -