Guðmundur Rúnar Guðmundsson og lærisveinar hans í Fjölni hafa farið vel af stað í Grill 66-deild karla. Mynd/Fjölnir

Fjölnismenn fara vel af stað í Grill 66-deild karla. Þeir sóttu tvö stig í Schenkerhöllina á Ásvöllum síðdegis er þeir mættu ungmennaliði Hauka í fyrstu umferð, lokatölur 31:26. Einnig munaði fimm mörkum á liðunum í hálfleik, 17:12.

Guðmundur Rúnar Guðmundsson og lærisveinar hans í Fjölni voru með yfirhöndina í leiknum frá upphafi til enda.

Nafni Guðmundar þjálfara Fjölnis, Guðmundur Bragi Ásþórsson, fór á kostum hjá Haukum og skoraði meira en helming af mörkum liðsins, eða 14.

Þar með lauk fyrstu umferð Grill 66-deildar karla. HK, Vængir Júpíters, Kría, Fjölnir og Víkingur unnu sína leiki og hafa þar með tvö stig hvert.

Mörk Hauka U: Guðmundur Bragi Ásþórsson 14, Kristófer Máni Jónasson 3, Jón Karl Einarsson 2, Sigurður Jónsson 2, Þórarinn Þórarinsson 2, Róbert Snær Örvarsson 1, Þorfinnur Máni Björnsson 1, Sigurður Rafnsson 1.

Mörk Fjölnis. Viktor Berg Grétarsson 6, Elvar Otri Hjálmarsson 6, Þorleifur Rafn Aðalsteinsson 6, Aðalsteinn Örn Aðalsteinsson 4, Aron Ingi Heiðmarsson 3, Brynjar Óli Kristjánsson 3, Jónas Eyjólfur Jónasson 1, Alex Máni Oddnýjarson 1, Óðinn Freyr Heiðmarsson 1.

Glaðbeittir leikmenn Fjölnis eftir sigurinn á U-liði Hauka í fyrsta leik liðanna í Grill 66-deildinni í kvöld. Mynd/FB-síða Fjölnis

- Auglýsing -

Nýjustu fréttir

- Auglýsing -