- Auglýsing -
Hinn þrautreyndi handknattleiksmaður Sigurður Örn Þorsteinsson hefur sagt skilið við Fram og gengið til liðs við Fjölni, og flytur þar með úr Grafarholti í Grafarvog. Félagaskipti Sigurðar Arnar gengu í gegn í dag og ætti hann þar með að geta tekið þátt í viðureign Fjölnis og Þórs í 1. umferð Grill66-deildar karla í Höllinni á Akureyri í kvöld.
Sigurður Örn hefur allan sinn feril leikið með Fram og var m.a. í liði félagsins sem varð Íslandsmeistari vorið 2013.
Sigurður Örn hefur ekki verið í leikmannahópi Fram í þremur fyrstu leikjum liðsins í Olísdeildinni á síðustu vikum.
Fyrr í dag var greint frá að Benedikt Marinó Herdísarson og Jón Ásgeir Eyjólfsson hafi verið lánaðir frá Stjörnunni til Fjölnis. Einnig hafa félagaskipti færeyska markvarðarins, Andri Kristiansson Hansen, hlotið blessun, og getur hann þar með staðið vaktina í markinu á Akureyri í kvöld.
Fjölni hefur þar með borist talsverður liðsstyrkur á elleftu stundu fyrir fyrsta leik Grill66-deildarinnar.
handbolti.is nýtur ekki opinbers rekstrarstuðnings.
- Auglýsing -
