Alfredo Quintana markvörður Porto og portúgalska landsliðsins í handknattleik. Mynd/EPA

Hinn frábæri markvörður Porto og landsliðs Portúgal, Alfredo Quintana, veiktist alvarlega á æfingu Porto í dag og fór í hjartastopp, eftir því sem félagið greinir frá á heimasíðu sinni. Quintana var fluttur rakleitt á sjúkrahús þar sem hann komst umsviflaust undir læknishendur en fyrstu aðstoð fékk hann vitanlega í íþróttasalnum þar sem hann hneig niður.

Ekki hafa borist nýjar fregnir af heilsu Quintana í kvöld en félagið segir að frá henni verði greint um leið og ástand markvarðarins skýrist eftir rannsóknir.

Quintana er 32 ára gamall og fæddist á Kúbu. Hann hefur leikið með Porto í 11 ár og leikið með landsliði Portúgals síðustu sjö ár, lengst af sem aðalmarkvörður, nú síðasta á heimsmeistaramótinu í Egyptalandi.

- Auglýsing -

Nýjustu fréttir

- Auglýsing -