- Auglýsing -

Förum fljótlega yfir stöðuna með Guðmundi

Guðmundur Þórður Guðmundsson, landsliðsþjálfari, og Gunnar Magnússon, aðstoðarþjálfari, bera saman bækur sínar. Mynd/Hafliði Breiðfjörð

Guðmundur B. Ólafsson, formaður Handknattleikssambands Íslands, segir að á næstunni muni stjórn HSÍ funda með Guðmundi Þórði Guðmundssyni landsliðsþjálfara. „Við förum fljótlega yfir stöðuna með honum, Evrópumótið sem er að baki og horfum til framtíðar um leið,“ sagði Guðmundur formaður í samtali við handbolta.is fyrir hádegið.


Guðmundur segir nafna sinn vera samningsbundinn HSÍ fram í júní um þjálfun karlalandsliðsins. Í apríl verða leikir við Austurríki eða Eistland í undankeppni heimsmeistaramótsins. Úrslit þeirra leikja ráða því hvort íslenska landsliðið tekur þátt í heimsmeistaramótinu sem fram fer í Póllandi og Svíþjóð eftir ár. Þangað sé stefnan svo sannarlega tekin.


Guðmundur formaður segir að menn vera rétt komna heim af Evrópumótinu. Fljótlega muni stjórn HSÍ koma saman til fundar og fara yfir málin að loknu mótinu. „Eftir það tökum við spjallið við Guðmund þjálfara og ræðum framtíðina,“ sagði Guðmundur B. Ólafsson formaður HSÍ dag.

Guðmundur B. Ólafsson, formaður HSÍ, einbeittur í upphitunarfótbolta með landsliðinu á æfingu MVM Dome í Evrópumótinu í handknattleik. Mynd/Hafliði Breiðfjörð


Guðmundur Þórður hefur verið landsliðsþjálfari í handknattleik karla í síðustu fjögur ár og var að ljúka sínu þriðja stórmóti í þessari þriðju lotu sinni sem landsliðsliðsþjálfari.

- Auglýsing -
- Auglýsing -

Nýjustu fréttir

- Auglýsing -